Россий президентын Юл кундем федеральный округышто полномочный представительже Игорь Комаров Беларусь Республикын Нижний Новгородышто Генеральный консулжо Олег Швец дене паша вашлиймашым эртарен.
Тушто РФ президентын ПФО-што полномочный представительжын алмаштышыже Олег Машковцев ден Россий МИД-ын Нижний Новгородышто представительже Сергей Малов лийыныт.
Вашлиймаште ПФО регион-влак ден Беларусь кокласе торгово-экономический ден гуманитарный вашкыл нерген йодыш-влакым канашеныт. Тыгак Беларусь Республикын самырыкше-влакым округын регионлаштыже эртаралтше мероприятий-влак ден проектлашке ушымо нерген мутланеныт.
Любовь Камалетдинова.
