Российын Геройжо, Марий кугыжаныш университетын студентше Анатолий Иванов А.Ф.Можайский лӱмеш военно-космический академийыште лийын.
Тыгай йӧн «Чылажат Сеҥымаш верч! МарГУ: тукым кокласе кыл» тӱнямбал форум полшымо дене ышталтын. А.Ф.Можайский лӱмеш военно-космический академий тудын почётан участникшылан шотлалтеш. Вашлиймашын участникше-влак элнан эртыме корныжым шарналтеныт, тыгак ончыкылык паша шотышто каҥашеныт.
Марий кугыжаныш университетын тӱҥалтышыж почеш илышыш пурталтше кугу проект Отечествын историйжым чыл огыл тӧчымӧ ваштареш виктаралтын.
Марий кундемын вузшо ден академий кокласе вашкыл – Кугу Отечественный сар жап гычак. 1941 ий августышто Марий педагогический институтым Козьмодемьянск олаш эвакуироватленыт. Сар жапысе нелылыкым шотыш налде, вуз шке пашажым шуен: 1941-1945 ийлаште 650 туныктышым ямдылен луктын. Тиде жапыштак мемнан кундемыште улшо МГПИ-н корпусыштыжо Йошкар Армийын Ленинградысе военно-воздушный академийын (кызыт тудо – А.Ф.Можайский лӱмеш военно-космический академий) инженер факультетшым вераҥденыт. Сар жапыште тушто 2271 военный инженерым туныктен луктыныт.
Г.Кожевникова
Фотом Марий кугыжаныш университетын соцкылысе лаштыкше гыч налме.
