Республикысе районлаште кызыт шошо ага паша талын кая. Пиалеш, игечат сай шога.
Звенигово районышто кодшо арня мучашлан 1380 гектарыште кокияш пырчан шурнылан ешартыш кочкышым пуымо, шукияш шудылан — 2689 гектарыште. Шошо ага пашам шукташ чылаже 633 тонн минеральный ӱяҥдышым налме. Шукияш шудым 192 гектарыште тырмалыме.
Тыгак икияш шурным ӱдышаш мландым пушкыдемден ямдылат. Тиде паша але марте 2186 гектарыште ышталтын. Икияш культурым 5086 гектарыш ӱдышаш улыт. Кызыт марте урлыкашым 1381 гектарыш вераҥдыме.
Л.Камалетдинова.
