«Лӱдыкшыдымӧ сай качестван корно» национальный проект дене келшышын, Йошкар-Оласе Волков уремысе автомобиль корным олмыкташ палемдалтеш.
Красноармейский гыч Водопроводный урем марте ужашыште, 845 метр кумдыкышто, тиде пашам могай подрядчик шукташ тӱҥалме шотышто кызыт электрон аукцион увертаралтын.
Ончыкыжым тушто тошто шартышым кораҥдат, у асфальтобетоным шарат, таве ден корно тӱрысӧ кӱ-влакым вашталтат, корно пале-влакым вераҥдат да газоным уэмдат.
Л.Камалетдинова
