15-18 октябрьыште Грозный олаште Махмуд Эсамбаев лӱмеш эртаралтше XIII фестиваль-конкурсышто И.С.Палантай лӱмеш тӱвыра да сымыктыш колледжын студенткыже Софья Дмитриева кокымшо премийым сеҥен налын.
Фестиваль-конкурсышто Москва, Ижевск, тыгак Крым, Армений, Абхазий, Казахстан да моло кундем гыч участник-влак лийыныт.
– Тушто Марий Эл гыч чылажге кумытын мастарлыкым ончыктенна. Рвезе-влак мужыр дене куштеныт, а мый шкетын сценыш лектынам. Жюрилан «Вӱд ава» ден «Моторлык» куштымаш-влакым темленам, – конкурс мучашлалтмеке, вес кечынже телефон дене мутланыме годым куан кумыл дене рашемдыш Софья.
… Умбакыже «Марий Эл» газетыште лудаш лиеш
А.БАЙКОВА
Фотом еш альбомжо гыч налме