У Торъялысе рӱдӧ модельный библиотеке «Книгодвижение» конкурсым эртара.
Тудо тунемше-влакым утларак лудаш кумылаҥдаш виктаралтын, сандене моткочак пайдале манын палемдыме шуэш.
Конкурсыш ушнышашлан теве мом ыштыман: книгагудышто анкетым возыман, ийготлан келшыше книгам лудман, лудшын дневникшым вӱдыман (лудмо книган мо нерген ойлалтымыжым кӱчыкын возыман), келшыше книга нерген сочинений – эссем возыман, видеороликым сниматлыман, библиотекын эртарыме мероприятиялийлашкыже, вашлиймашлашке, библиофрешыш (у книга-влак дене палдарымаш) чолган ушныман.
Тиде конкурсын пайдаже моткоч кугу, вет тунемше-влак, книгам лудын, шинчымашыштым келгемдат. Тиддене пырля сеҥыше-влаклан шергакан пӧлекым кучыктат.