«Лесная сказка» эмлалтме да тазалыкым пеҥгыдемдыме рӱдерыште у спорт площадкым почыныт.
Тудым «Бизнес-спринт (Мый спортым ойырем) федеральный проект почеш чоҥымо. Тидлан 2026 ийыште федеральный да республикысе бюджетла гыч 29 миллион теҥге наре оксам ойырымо.
У кумдыкым вес семынже «ушан» спорт объект манын палемдат, молан манаш гын тушто цифран технологийым шыҥдарымылан кӧра тренер деч посна тренировкым эртараш лиеш, тыгак WI-FI сеть уло.
Марий Элын образований да науко министрже Лариса Ревуцкаян палемдымыж почеш, жаплан келшыше площадке рӱдерыште каныше йоча-влак таза илыш-йӱлалан, спортлан кумылаҥда. Тений кеҥежым тиде лагерьыште тӱжем утла икшыве тазалыкшым пеҥгыдемден, кызыт тушто профилян смене шке пашажым умбакыже шуя.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
