Параньга район Тошкемнур ялеш шочын-кушшо самырык автор Ирина Делянован «Тӱрлем шижмашым» у книгаже лектын.
Ирина Делянова сылнымут аланыш «Порсын тӱня» почеламут сборникше дене толын. Теве кокымшо книгам «кӱэштын» луктын. Тушко пытартыш жапыште серыме почеламутшо-влак да «Ачамым шарнен» мурыжо пуреныт. Книгам Марий Эл писатель ушем луктын. Редактор – Светлана Архипова. «Сылнымут аршашемым кугу куан дене вашлиймыланда порын тауштем», – ойла поэзий шӱлыш дене илыше Ирина. Автор книгам лукташ полшымыштлан А.Х.Деляновлан да родо-тукымжылан таушта.
Л.СЕМЕНОВА
