УВЕР ЙОГЫН

Наркотик вашатерш – тӱшкан

26 май гыч 26 июнь марте Марий Элыште наркотик дене пайдаланыме ваштареш виктаралтше да таза илышлан кумылаҥдыше месячник эрта.

Коронавирус шарлымылан кӧра улшо санитарно-эпидемиологический  сӱретым ончыде, интернет дене пайдаланен, профилактике сынан ятыр мероприятий лиеш. Тыге, мутлан, республикысе МВД-н Наркотик дене пайдаланымым контрольышто кучымо шотышто управленийжын пашаеҥже-влак «Вконтакте» соцкылыште «Марий Эл – наркотик деч посна» акцийым эртарат. Тушко самырык чолга еҥ-влакат ушнат. Самырык-влак полатын специалистше-шамыч антинаркотический флешмобыш чумырат, а Йошкар-Ола администраций доброволец-влакын полшымышт дене пайдаланаш чарыме вещества-влаклан рекламым ыштен возымым кораҥдаш тӱҥалыт. Тиде жапыште тыгак тӱрлӧ тематический конкурс, челледж, семинар, видеолекторий эртат, «Ӱшан телефон»-влак пашам ышташ тӱҥалыт.

Месячникын пытартыш кечынже, 26 июньышто, республикысе самырык-влаклан антинаркотический онлайн-квиз лиеш.

Л.КАМАЛЕТДИНОВА

Опубликовать в Одноклассники

Добавить комментарий