Марий кугыжаныш университетыште науко да образований сферыште россий-индий вашкылым вияҥдыше «йыргешке ӱстел» эртен.
Тушто Индийысе Индерпрашта инженер колледж, Г.Чоудхурй лӱмеш, тыгак Симбиозис да Сантош универстетла гыч еҥ-влак лийыныт.
Ректор, проректор, профессор да студент-влак вашкылым вияҥдыме тӱҥ направленийла дене кылдалтше йодышым каҥашеныт: шымлыме пашам пырля эртарыме, инноваций проектым ыштыме, специалист-влакым ямдылыме да моло нерген.
«Индий коллеге-влак дене вашлияш мыланна – кугу чап. Ме пырля научный проектым ямдылыме, кызытсе образованийын йодмашыже да моло нерген каҥашенна. Пеҥгыдын ӱшанем, тыгай вашмутланымаш – вашкылым вияҥдаш сай негыз», – палемден Марий кугыжаныш университетын ректоржо Михаил Швецов.
Г.Кожевникова
Фотом Марий кугыжаныш университетын сайтше гыч налме.
