Марий Элын цифровой вияҥмаш министрже Венедикт Суворов кодшо кечылаште республикыште илыше калык деке йодмаш дене лектын:
– Марий Элыште пагалыме илыше еҥ-влак! Мый тендан деке регионын цифровой вияҥмаш министрже семын веле огыл, республикыште тыглай илыше семынат йодмаш дене лектам. Пытартыш жапыште ме чыланат мобильный интернетын пашам начарын ыштымыж дене тӱкненна. Тидыже мыланна лӱдыкшӧ ынже лий манын, да аралтыш семын, илышыш пурталтын. Йӧндымылык лекмым ме чыланат умылена, но тачсе кечын тыгай мере кӱлешан.
Мобильный кылым беспилотник-влакын действийыштым виктараш кучылтыт. Интернетым чараклен, ме тыныс илыш дене илыше калык деч лӱдыкшым кораҥдена да инфраструктурысо тӱҥ объект-влакын тичмашлыкыштым арален кодена.
Беспилотник-влакын атакышт годым сото кыл оператор-влакын перадачыштым йӧртымӧ пагытыште оптоволоконный канал-влаклан эҥертен услугым пуышо оператор-влак да Wi-Fi-сетьла дене пайдаланаш йодам. Тыгай мерым илышыш пуртымым умылышо чыла еҥ-влаклан тауштем.
Тыге министр шкенжын ВКонтакте воткыл лаштыкыштыже серен.
Светлана Носова ямдылен.
