Марий кугыжаныш университетын пашаеҥже – «УМНИК-2026» всероссийский конкурсышто сеҥыше-влак коклаште.
Микроэлектроникын керамике изделийжым конструироватлыме да ыштен лукмо базовый кафедрын техникше Ксения Жданова Инновацийлан полшышо фондын конкурсыштыжо 500 сеҥыше радамыш пурталтын да 500 тужем теҥге кугытан грант дене палемдалтын.
Конкурсыш тудо «Разработка отечественной технологии и рецептуры растворов для химической металлизации переходных отверстий печатных плат до 7 класса включительно» проектше дене ушнен. Пашан тӱҥ шонымашыже – печатный платым (кызытсе радиоэлектроникын негызшым) ышташ кӱлешан химический материалым йот элыште огыл налаш, а шкенан элыште ыштен лукташ.
Проектын научный вуйлатышыже – вузын физике да материаловедений кафедржын доцентше Николай Каширин. Тыгак тиде пашаш надырым химий кафедрын доцентше Лариса Смирнова пыштен.
Г.Кожевникова
Фотом Марий кугыжаныш университетын соцкылысе лаштыкше гыч налме.
