Марий Турек район Карлыган школышто специальный военный операцийыште улшо боец-влаклан гуманитар полышым погеныт, «Салтаклан серыш « акцийым эртареныт.
Чыла ты пашам тунемме верын директоржын воспитаний паша шотышто советникшын вуйлатымыж почеш Икымше-влакын толкынышкышт ушнышо ӱдыр-рвезе-влак шуктеныт. Тыге школышто тунемше-шамыч ача-авашт полшымо дене шокшо носким погеным, южыжо тудым шкеак пидын. А серыш шотышто ойлаш гын, поро шомак деч посна йоча-влак почеламут корнылам возеныт, сӱретленыт.
Г.Кожевникова
Фотом Марий Турек районысо образований пӧлкан сайтше гыч налме
