Козьмодемьянскыште Я.Эшпай лӱмеш тӱвыра полатыште «Новые Русские бабки» концерт программе эртен.
Мыскара шӱлышан эстраде актёр-влак Игорь Касилов (Клавдия Ивановна Цветочек) ден Сергей Чвановым (Матрёна Ивановна Нигматуллина) ончаш калык зал тич погынен. Кок шагат наре шуйнышо концертыш изижге-кугужге рӱж чумыргеныт да уна-влакым моткоч шокшын вашлийыныт.
Ончышо-шамыч коклаште Курыкмарий кундемын шочшыжо, Россий да Марий Эл культурын сулло пашаеҥже Арсений Яйцоват лийын. Ты кастене гармоньчо шкенжым эн пиаланлан шотлен, шонем, лач тудо чапланыше артист-влак дене шарнымашеш фотом ыштен кертын.
А.БАЙКОВА
А.Денисовын фотожо.
