Калык тӱвыра пӧртыштӧ «Вклад Азербайджана в победу над фашизмом 1941-1945 годах» книган презентацийже эртен.
Тушко Марий Элыште илыше азербайджан-влакын калыкле-тӱвыра автономийыштын еҥышт погыненыт. Нуным Российысе калык-влакын ассамблейыштын республикысе пӧлкажым вуйлатыше Лариса Яковлева, Тӱвыра, савыктыш да калык-влакын пашашт шотышто министерствын калык кокласе кыл йодыш шотышто пӧлкам вуйлатыше Михаил Чемышев саламленыт. Тыгак ты вашлиймаште республикыште илыше азербайджан-влакын СВО-лан полшен шогымыжо нерген ойленыт.
