Аферист-шамыч еҥ-влакым ондалаш у йӧным шонен луктыныт: нуно ынде йыҥгыртат да пуйто Россий шотышто пуртымо у санкций-влаклан кӧра банк картым уэш лукташ кӱлеш маныт. Тидлан южышт ӱшанат да оксашт деч посна кодыт.
Тыгай томаша нерген кодшо кечылаште Волжск ола гыч 60 ияш ӱдырамаш полицийыш увертарен.
Ойлымыж почеш, тудлан палыдыме еҥ йыҥгыртен, банк пашаеҥ улмыж нерген каласен да картшым вашталташ темлен. Ӱдырамаш кӧнен да картшын чыла данныйжым, смс дене толшо кодым ойлен. Тылеч вара счётшо гыч 180 тӱжем наре теҥгеже йомын.
Тиде факт шотышто уголовный делам тарватыме.
Л.Камалетдинова