КРИМИНАЛ

Лудо шылым кочмыжо шуын?

Полицийын палдарыме уверже-шамычым лудын лектат да ӧрат: кӧ да мом гына огеш шолышт?!
Пытартыш жапыште шоя банк пашаеҥ-шамыч еҥ-влакын пластик картышт гыч оксам шканышт кусарыктат. Теве кодшо кечылаште гына тыгай йӧн дене чылаже пел миллион наре теҥге «парышым ыштен налыныт».

Шошо улмо дене пайдаланен, велосипедым ятырын шолыштыт.
А эртыше йӱдым Советский районысо ик ялыште илыше 40 ияш суртозан левашыж гыч 24 лудигыже йомын. Ала-кӧн, шке оксажым пытарен, налын толашымыже шуын огыл да куштылго йӧн дене каяш шонен пыштен, коеш. Тыге озалан 6,5 тӱжем теҥгеаш эҥгек ышталтын.
Но тиде факт шотышто уголовный делам тарватеныт да шолыштшым кычалыт. Тудым садак муыт, тугеже кӱлын мо тыгай преступленийым ышташ?! Шыжым лудо шылым кочкаш шонен гын, лучо шкеже налже да шулдынрак шуэш ыле. А ынде шылжымат кочдеак лиеш, шке лӱмнержымат волта…

Л.КАМАЛЕТДИНОВА

Опубликовать в Одноклассники

Добавить комментарий