Экономике – таче
У ий вашеш куанле пӧлек
Декабрь кыдалне Оршанке районышто 15 тулык икшыве у пӧртыштӧ пачерым нале гын, ик арня гыч Йошкар-Олаште 100 тыгай самырык еҥлан у пачер деч сравочым кучыктышт.
Кажне пачерже илаш пураш ямде – шокшым пуымо, газым пуртымо, сантехникым шындыме – лийын. Да, мутат уке, нине пачерлам чоҥаш изи огыл роскот ышталтын. Но граждан-влакын тыгай категорийыштлан илыме веран лияш полшымым Россий Федераций ден Марий Элын правительствышт ик эн ончыч шуктышаш задаче семын ончат. Республикысе муниципал образований-влакын администрацийышт ты кӱлешлыклан 267 пачерым налаш контрактым ыштеныт.
Манаш веле, 2021 ий гыч 2024 ий йотке республикысе 800 тулык икшыве у пачерым налын. Кажне ийын ты кӱлешлыклан Марий Эл правительстве пел миллиард утла теҥгем ойыра. Теният шагал огыл икшыве У ий вашеш тыгай куанле пӧлекым нале.
Юрий ИСАКОВ
Минпромторгын сайтше гыч налме фото
