Марий кугыжаныш университетысе студент-влакын «Воскресений» лӱман кычалше отрядыштын самырык-влакын «Таврида» форумышкышт колтымо проектше 100 тӱжем теҥгеаш грантым сеҥен налын.
Проектын лӱмжӧ «Кычалме кундем» маналтеш. Тудо йоча лагерьыште историй дене кылдалтше кычалме сменым ыштыме дене кылдалтын. Тушто икшыве-шамыч Кугу Отечественный сарын историйже дене палыме лийыт, кычалме экспедицийыште кӱлеш лийше ятыр шинчымашым налыт.
Историй-филологий факультетын студентше-влак ты форумышто кумшо гана участвоватлат да кажне ганажат нунын темлыме проектышт грантым налын. Мутлан, кодшо ийыште посна историй саманым ончыктымо кӱшеш ты предметым туныктымо шотышто проектыштым грант ден палемденыт ыле.
Ты гана проект окса дене лагерь сменым эртараш турист ден кычалме пашаште кучылталтшашлык погым налаш шонат.
А.АНДРЕЕВ.
