«МАРИЙ ЭЛ» ТАЧЕ УВЕР ЙОГЫН

У ий салам: Марий Турек

У ий салам: Марий Турек

Озанлыкна районышто ик эн кугу – курал-ӱдымӧ кумдыкшо денат, шурным куштымо пасуж денат. Тений пырчым кодшо ийысе деч шукырак шийын налме. Шудым, сенажым, силосым ончычсылак ятыр ямдылыме. Тидыже вольыкланна утыж денат ситышаш. Тӱкан шолдыра вольыкнат, лӱштымӧ ушкалнат районышто ик эн шуко. Ик вуйлан шотлымо лӱштыш денат почеш огына код.

Ме шумо кӱкшыт дене ынена серлаге – шурно лектышымат, шӧр лӱштышымат умбакыже нӧлталнена. Тидлан верчынак шушаш ийыште пырчым ӱдымӧ кумдыкым, лӱштымӧ ушкалым ешараш шонена.

Пашаеҥна-влак тыршен ыштат, вуйым огыт шупш. Нунылан шушаш ийыште утларак кугу лектышыш шуаш, таза лияш тыланем. «Акпарс» агрофирмына районышто ялозанлык производствым вӱден кайышылан, тыгак сай урлык вольыкым ашнышылан да шарышылан шотлалтеш. Тиде чапнам умбакыжат куштен толшаш улына. Кумылда нӧлталтше, пашаеҥна-влак, чонда яндар, а илышда улан лийже!

Г.С.АХАТОВ,

«Акпарс» агрофирме» ООО-н директоржо.

Опубликовать в Одноклассники

Добавить комментарий