СВО-н участникше, «Герои Марий Эл. Талешке-влак» регионысо кадр программын колыштшыжо Андрей Черепановым регионысо спорт министрын алмаштышыжлан шогалтеныт.
Тидын нерген Марий Эл вуйлатыше Юрий Зайцев увертарен.
У должностьышто Андрей Черепанов физический культур ден спортым вияҥдыме, спорт мероприятийым эртарыме, спорт инфраструктурым ыштыме да уэмдыме направлений-влакым курироватлаш тӱҥалеш.
Регион вуйлатыше «Герои Марий Эл. Талешке-влак» программе Россий Президент Владимир Путинын кӱштымыж почеш «Герой-влакын жапышт» федеральный проект кышкарыште илышыш шыҥдаралтеш манын палемден.
