Сокыр-влакын всероссийский обществыштын (ВОС) Марий республиканский культурно-спортивный реабилитаций рӱдержылан 65 ий темын.
Кугыжаныш Погын председатель Михаил Васютин тиде йыргешке дате вашеш коллектив да рӱдерын подопечныйже-влак лӱмеш саламлымашым колтен.
Рӱдер вуйлатыше Марина Замкова регионысо ВОС отделенийым вияҥдымашке надырым пыштымыжлан Михаил Васютинлан Сокыр-влакын всероссийский ушемыштын знакшым да почетан членын удостоверенийжым колтен. Марий парламент вуйлатышылан наградым Социальный политике, здравоохранений да ветеран-влакын пашашт шотышто комитет председатель Наталья Козлова кидышкыже кучыктен.
Любовь Камалетдинова
