Турнявӧчыжым Марий Элыште 13 сентябрь гыч погаш тӱҥалаш лиеш.
Марий Эл Республикын посна законжо почеш граждан-влак шке кӱлешлан турнявӧчыжым сентябрь тылзын кокымшо шуматкечыж гыч декабрь марте ямдылен кертыт. Сандене емыжым погымо жап 13 сентябрь гыч тӱҥалеш.
Республикын Пӱртӱс поянлык, экологий да йырым-йырысе средам аралыме министерствыжын йодмашыж почеш, турнявӧчыжым кушкыллан эҥгекым ыштыде, вес ийынат тудо саскам пуэн кертше манын, погыман. Аралыза шкенан пӱртӱс поянлыкнам.
Емыжым погымо жапым, правилым пудыртымылан, граждан-влакын могай категорийыш пурымыштым ончен, 200 гыч 10 тӱжем теҥге марте штрафым тӱлаш палемден кертыт.
Министерствын воткыл лаштыкше гыч налме фото.
