Марий Эл вуйлатыше УФСИН-ын коллегийжын кумдаҥдыме заседанийжын пашашкыже ушнен.
Регион вуйлатыше Юрий Зайцевын палемден: республик кумдыкышто правопорядкым пеҥгыдемдымаште Наказанийым шуктышо федеральный службын Марий Элысе управленийже кугу надырым пышта.
Ойлымыж почеш, исправительный рӱдер участке-влак ешаралтыт. 2023-2024 ийлаште тушто 15 миллион утла теҥгелан контракт-влакым илышыш пуртымо. Судитлыме-шамычын пашам ыштымышт дене чылаже 21 миллион утла теҥгелан исковой йодмашым петырен кертме.
Республикысе кучем орган-влак уголовно-исполнительный системе дене паша верым пуымо, осужденный-влакын тазалыкышт, шинчымашым налмышт шотышто ойпидыш-влак ышталтыныт. Профессиональный училищылаште производствышто йодмаш дене пайдаланыше 16 специальностьлан туныктат.
Заседанийыште управленийын паша лектышыж да ончыкыжым мом ышташ палемдыме нерген республикысе УФСИН начальник Максим Каминский каласкален.
Марий Эл Республикым вуйлатышын пресс-службыжын уверже негызеш Любовь Камалетдинова ямдылен
