«Авангард» рӱдерыште «Корабль» кадр программын икымше тунемме модульжо стартым налын.
«Молодёжь да йоча-влак» нацпроект почеш эртаралтше мероприятийыш республикысе район ден округла гыч 17 молодёжь команде чумырген. Тушто социальный йодыш, самырык-влак дене пашам ыштыше специалист, молодёжь рӱдер-шамычын, тыгак мер организацийлам да тунемме верлам вуйлатыше-влак улыт.
Тунеммашын тӱҥ шонымашыже – молодёжь политике сферыште профессионал моштымашым вияҥдаш, лектышан паша опытым ончыкташ.
Г.Кожевникова
Фотом Марий Элын Молодёжь политике комитетшын соцкылысе лаштыкше гыч налме
