15 февральыште Марий Элысе школлаште тунемше-влакым «Знание» Россий обществе Шинчымаш.Модыш викторинышкыже ушнаш ӱжеш.
Ӱдыр-рвезе-влак «Россий – мыйын чекем» профориентаций курс кышкарыште шинчымашым терген кертыт. Сеҥыше-влаклан партнёр-влак деч – шергакан пӧлек.
Викторине элнан чыла федеральный округыштыжо эртаралтеш. Кум турым палемдыме. Икымшыште мланде поянлык дене кылдалтше йодыш-шамыч лийыт, кокымшышто – куштылго промышленность дене, а кумшышто – науко да образований дене.
Уш-акыл марафоныш ушнаш кумыланлан «Знание» Россий обществын сайтыштыже регистрацийым эртыман. Иктешлымаш кажне федеральный округышто посна лиеш, рейтинг сайтыште ончыкталтеш. Викториным эртарыме деч посна обществе занятий-влаклан видеконтентым ямдылат. Конкурс нерген кумданрак обществын сайтыштыже пален налын кертыда.
Г.Кожевникова
Фотом «Знание» Россий обществын пресс-службыж гыч налме
