Марий Элыште арня тӱҥалтышлан 17 тӱжем чоло гектар пырчан да пырчан-отызан шурным, але пӱтынь кумдыкын 11 процентыштыже, поген налме.
Шурно вӱдыжгӧ игечылан кӧра чаплын шочын, да тудо шуко вере лап возын, сандене кашташке солат. 800 наре гектар шурно валокышто киен. Кодшо ийын чыла кушкылым вигак тӱред шийыныт.
Звенигово, У Торъял, Оршанке район-влак пӱтынь кумдыкын 34-16 процентыштыже шийыныт. Кажне гектарлан шотлымаште кокла лектыш – 33 центнер. Кодшо ийын тиде жаплан 30 центнер лийын. Идымвечылашке 52,8 тӱжем тонн угинде пурен.
Эн сай лектыш Медведево районышто. Тыште гектар еда кокла шот дене 53 центнерым шийыт, Оршанке районышто – 44, Советский районышто – 41 центнерым. Медведево районышто шыдаҥым гектар еда 55 центнер дене погат. Эн изи лектыш Параньга районышто. Тыште гектарлан шотлымаште 19 центнерым шийыт.
