2022 ийыште икымше гана Россий Федераций Просвещений министерстве «Шочмо йылмым да шочмо литературым эн сайын туныктышо» конкурсым увертарен. Тудын тӱҥ шонымашыже – палемдыме предметла дене эн устан шинчымашым пуышо педагог-влакын инноваций опытышт дене палыме лияш да нуным кумдан шараш.
Россий кӱкшытыштӧ Марий Элын чапшым Советский посёлкысо 3-шо №-ан школышто марий йылмым да литературым туныктышо, тений «Марий йылмым эн сайын туныктышо-2022» республик кӱкшытан кокурсышто сеҥыше Роза Богомолова (снимкыште) аралаш тӱҥалеш.
Г.Кожевникова.
М.Скобелевын фотожо.
