Марий Элын Янлык тӱням оролымо, аралыме да пайдаланыме шотышто департаментшын увертарымыж почеш, тений телым ир янлыкым шотлымо тургым мучашлалтын.
Кугыжаныш инспектор, охотовед, сонарзе-влак ты пашаш ушненыт, ончылгоч палемдыме маршрутла дене янлык кышам 15 март марте эскереныт. Ир янлык чот нерген чыла данныйым сонарлаш квотым палемдыме годым кучылтыт. Тыгак янлыкын чотшо утыжым шукем але шагалем толмо годым популяцийым иземдымаш але кугемдаш манын палаш кӱлеш.
Светлана Носова
Фотом департаментын воткыл лаштыкше гыч налме
