Кодшо шуматкечын Марий Эл «Иле, чодыра!» всероссийский акцийыш ушнен.
Мутлан, Куяр лесничествыште гына вич тӱжем гектар кумдыкышто 15 тӱжем наре пушеҥге озымым шынденыт. Тидым Юл кундем технологический университетын, Марий Элын Пӱртӱс поянлык, экологий да йырым-йырысе средам аралыме министерствыжын, Куяр лесничествын специалистше, «Дикие дворники» мер организацийын еҥже-влак ыштеныт. Пушеҥгым шындаш толшо эн изи еҥжылан — Гришалан — улыжат ныл ий лийын. Но тудо ачаж дене пырля у чодырам шындаш кокымшо ганат толын. Чылаже ты кечын 50 наре еҥ суапле пашаш ушнен. Эн кугу ийготанже 70 ияш лийын.
С.Носова.
Снимкыште: кеч-могай кугу чодыра теве тыгай пушеҥге озым гыч тӱҥалеш.
