Тек эре канде кава лиеш
12 августышто военно-воздушный Вийын кечыжым палемденыт.
Ты кечын Се‰ымаш тоштерын сайтыштыже (https://victjrymuseum.ru/) сар жапысе авиаций виртуальный-тоштерыш экскурсийыш миен толаш, Кугу Отечественный сарын участникше, лётчик-шамычын шарнымаш-фильмыштым, «Вертолёт» мастер-классым ончен кертыт. Кугу Отечественный сарыште лётчик-шамыч кугу пашам шуктеныт. Элнан Отечествын историйыштыже нуно моткоч кугу кышам коденыт. Военный авиаций элнан кугешнымашыже манаш келшен толеш.
Республикыштынат ты войскаште службым эртыше шукын лийыныт. Нунын кокла гыч иктыже таче кечылан Российысе да вес элласе сарзе казак-влакын ушемыштын Марий Элысе региональный отделжын (СКВРиЗ), спорт дене кылдалтше, военно-патриотический шӱлышан, «Покровский» хутор ХКО-н казаше ден кадетше-влакын вуйлатышышт Александр Глух.
Тудын пашаштыже эн тӱҥ – самырык тукымым военный сомыл деч посна духовно пойдараш, ял пашаш шуарен кушташ, патриотым воспитатлаш, шочмо мландым, ача-авам йӧраташ туныкташ.
Ты гана военно-воздушный Вийын кечыжым палемдыме годым (110 ий) Волжский район гыч ты войскаште служитлыше ветеран-шамыч йоча-влаклан пӧлекым ыштеныт. Шарача, Купсола, Упшер, Приволжский, тыгак капкыл дене начарын вияҥше икшыве-шамычлан келыштаралтше Волжск оласе йочасадлаш коштшо ӱдыр-рвезе-влаклан футбол мече да сӱретан книга-влак моткоч кӱлыт.
***
Поро паша
Марий Элыште илыше калык Донбассыште, Луганскыште (Украина) илыше да военнослужащий-влаклан полшат. Май мучаште Калык фронтын «Чылажат сеҥымаш верч» проектшын стартым налмыж деч вара кажне арнян гаяк кундемыштына илыше калык деч регионал отделенийыш гуманитарный полыш пура. Эртыше кечылаште Волжский район Купсола селасе Покровский храмыште визымше партий полышым (чылаже 900 килограмм) поген колтеныт. Ты кундемыш районын икмыняр верже гыч поген кондат. Погымо полышым Евгений ачан суаплендарен колтымыж дене казак-влак Луганскыш наҥгаеныт.
Ончыкшымат кумылан-шамыч вургемым, медикаментым, кужу жап пужлыдымо кочкыш-сатум, бытовой химийым конден кертыт.
А оксам тыгай номер дене колташ лиеш: 4276 6200 3161 3239 (Александр Евгеньевич).
Лекше йодышым тыгай номер дене рашемдыман: 89625906223 (Александр).
Е.Эшкинина.
