Марий Элыште 1 гыч 10 апрель марте Тазалыкын тӱнямбал кечыжлан пӧлеклалтше «Тазалык арня» акций эрта.
Тудым Марий Элын Тӱвыра, савыктыш да калык-влакын пашашт, Образований да науко, Тазалык аралтыш шотышто министерстве-влакын да регионысо МВД-ын полшымышт дене Молодёжный политике, спорт да туризм министерстве организоватлен.
Акцийын тӱҥ шонымашыже таза илыш-йӱлам чапландарен палдарыме, йоча ден самырык-влакым физкультур да спорт дене кылым кучаш кумылаҥдыме, социальный кыллаште сай контентым ыштыме дене кылдалтын.
«Тазалык арня» акций кышкарыште лийыт:
- «Тазалык урок», «Айыклык урок», турнир, эстафете-влак;
- палдарыме да сотемдарыме шотан онлайн-мероприятий, вашлиймаш, тематический шагат, мутланымаш, лекций-шамыч (эпидемилогический сӱретым шотыш налын);
- таза илыш-йӱлам чапландарен палдарыше видеофильмым каҥашымаш;
- конкурс, конференций, форум, тренинг, мастер-класс-влак;
- интернет вотышто квиз, квест да викторнине-шамыч;
- чолга доброволец-влакым туныктымаш да ямдылымаш.
М.ИВАНОВА
