27 июнь гыч 4 июль марте Марий Элыште самырык туныктышо да наставник-влакын Россий кӱкшытан «Таир-2025» XVI форумышт лийын.
Тудо Россий Федерацийын 32 регионжо гыч 250 утла участникым иквереш чумырен.
Тенийысе форумын темыже «Туныктышо-влак кокласе мутланымаш: почмо йодыш-влакан корнывожышто».
Участник-влак 6 командылан шелалтыныт да профессий дене кылдалтше мастер-классым, тренингым эртеныт, тыгак заданий-шамычым шуктеныт. Нунылан палыме лектор, психолог-влак занятийым эртареныт, а профессионал конкурслаште сеҥыше туныктышо-шамыч паша опытышт дене палдареныт.
Г.Кожевникова
Марий Эл Образований да науко министерствын соцкылысе лаштыкше гыч налме
