Марий Элыште «Профессионалитет» федерал проект почеш кыдалаш профессионал образований тӧнеж-влак уэмдалтыт.
Ӱмаште республикыште кок организацийыште кум оралтым олмыктымо: Медведево посёлкышто верланыше Автодорожный техникумын тунемме корпусшым, Йошкар-оласе строительный техникумын тӱшкагудыжым. Йошкар-Оласе строительный техникумын 1-ше №-ан тунемме корпусшым капитально олмыкташ тӱҥалме, тиде паша тений мучашлалтшаш.
Кыдалаш профессионал образований тӧнежлаште оралтым веле огыл уэмдат, тыгак тушто ончыкылык профессийым налаш жаплан келшыше йӧным ыштат. Поснак кугу туткыш тушкагудо-влаклан ойыралтеш.
«Профессионалитет» федерал проект Марий Элыште кыдалаш профессионал образований системым вашталтен толеш. Ме тачысе илышын йодмашыжлан келшышетунемме-производство кластерым ыштена, колледж ден техникум-влакын материально-технический базыштым уэмдена, пайдале тунемме программым шындарена да паша верым пуышо-шамыч дене вашкылым вияҥдена. Тӱҥ шонымаш – регионлан кӱлешан да кызытсе жаплан келшыше шинчымашан, моштымашан специалист-влакым ямдылаш», палемден Марий Эл образований да науко министр Лариса Ревуцкая.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
