Медведево посёлкысо Гагарин уремыште шуко пачашан 11-ше номеран пӧртым чоҥен шуктымо. «Илыме вер да оласе среда» нацпроект дене келшышын, тушко аварий лийын кертме пӧртлаште илыше-влак куснат.
Марий Элын Чоҥымо, архитектур да илыме вер да коммунал озанлык министерствыжын ЖКХ реформированийлан полшышо фондшо увертара: 52 пачеран у пӧртым эксплуатацийыш колтымо, тудын кумдыкшо – 3,9 квадрат метр. Аварий лийын кертме пӧртлаште (2017 ий 1 январьлан тыге шотлалтше) илыше-влаклан тыште 22 пачер ойыралтеш, 81 еҥ у пачерыш вонча. Министерствын данныйже почеш, 2021 ий тӱҥалтыш гыч тачысе кече марте Марий Элыште 523 шӱкшӱ пӧрт гыч 403 еҥ чыла шотыштат йӧнан илыме верыш куснен. Тыгай паша «Илаш йӧрдымӧ илыме вер фондым шагалемден толмо дене кылдалтше» федеральный проект кышкарыште шукталтеш, окса «Илыме вер да оласе среда» национальный проект почеш ойыралтеш, а ты проектшым Россий Минстрой илышыш шыҥдара.
Чоҥымо пашам пеҥгыдын тергымаш, вий-куатым аныклыше материалым да технологийым кучылтмаш, тыгак пӧртым нӧлтымӧ деч вара йыр улшо кумдыкым тӱзатымаш граждан-влаклан у верыште илашышт сай да лӱдыкшыдымӧ йӧным ыштат, палемден ЖКХ реформированийлан полшышо фондын генеральный диоектлоржо Константин Цицин.
Л.СЕМЕНОВА
