УВЕР ЙОГЫН ФИНН-УГОР ТӰНЯ

Ты кундемын — шке эмблемыже

Морко районысо Унчо селан «Унчо – финн-угор тӱнян культур рӱдыверже-2019» лӱмым налмыже да тушто эртараш палемдыме мероприятий-влак нерген возенак шогена.

Тиде событий вашеш Российын сулло сӱретчыже Иван Ямбердов логотипым ямдылен.

— Логотипын тӱҥжылан мардеж вакшым налынам. Тудым пу гыч ыштыме. Тиде мучашдымылыкым ончыкта. «У» буквам ушештарыше кум лукан пропеллер «Финн-угор тӱнян культур рӱдыверже волгалтше да республикын поянлыкше лийже, ончыко ончо, волгыдо ончыкылыкым чоҥо» манмым ончыкта. Шӧртньӧ тӱсан пушеҥге – Унчо кундемысе уржа-сорла лектыш, мланде пашам ыштыше  калык, — умылтара сӱретче.

Логотипым марий тӱр семын келыштарыме. Тудо финн-угор тӱнян культур рӱдыверыштыже эртаралтше кажне мероприятийын официальный символжылан шотлалтеш. Тылеч посна эмблемым рекламыште, полиграфийыште, сувенирыште, вӱдылмӧ материалыште кучылташ тӱҥалыт.

А. Байкова.

Опубликовать в Одноклассники

Добавить комментарий