Таче, 21 апрельыште, тӱзатышаш верым ойырымо дене кылдалтше всероссийский йӱклымаш тӱҥалын.
Тений Марий Элыште йӱклымашке 51 кумдыкым луктыныт. Эн шуко йӱкым погышо вер-влакым 2026 ийыште шотыш кондат.
21 апрель гыч 12 июнь марте 14 ияш деч кугурак кажне еҥ уэмдышаш да саемдышаш кумдыкым ойырен налын кертеш. Йӱклымаш zagorodsreda.gosuslugi.ru федеральный платформышто эрта. Тушко Госуслуго портал гоч пурыман.
«Илышлан кӱлешан инфраструктур» нацпроектын «Оласе кумдыкым йӧнаным ыштымаш» федеральный программылан кӧра оланам, селанам моторракым, йӧнанракым ыштен кертына.
