Марий Элыште «Молодёжь да йоча-влак» нацпроектым илышыш пуртымо паша умбакыже шуйна.
Тудын «Профессионалитет» федеральный проектше почеш тений Марий радиомеханический техникумын тушкагудыжым капитально олмыктат.
Паша график дене келшышын ышталтеш. Тӱшкагудышто окшым пуымо системым уэмден олмыктымо. Кызыт вӱд, электротул, канализаций системыла дене кылдалтше да моло паша ышталтеш.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
