Марий Элыште еш мастерской-влак почылтыт.
Нуно республикысе кум социальный учреждений пелен лийыт. Неле илыш ситуацийыш логалше еш ден икшыве-влаклан тушто усталык, профориентаций пашам, туныктымо мероприятийлам эртараш тӱҥалыт.
Тыгай мастерской-влак республикысе «Солнышко» йоча пӧрт-интернат, Волжскышто тулык да ача-аван полышышт деч посна кодшо икшыве-влаклан рӱдер ден Йошкар-Олаште тазалык дене эмганен вияҥше йоча да подростко-влаклан реабилитаций рӱдер пелен ышталтыт. Тидлан грант полыш ойыралтын.
Кызыт нине учрежденийлаште пӧлем-влакым ямдылат, кӱлеш оборудованийым налыт да туныктымо программым келыштарат.
Любовь Камалетдинова.
