Йылмым, литературым да историйым шымлыше В.М.Васильев лӱмеш марий институт «Мы разные, мы равные» всероссийский премийын лауреатше лийын.
МарНИИЯЛИ премийын кум номинацийже гыч иктыштыже – «Российын тӱвыра да йылме поянлыкшым арален кодымаш да тудын дене кумдан палдарыме пашаш надырым пыштымылан» – палемдалтын. Кӱкшӧ наградым Марий шымлыше институтын директоржо Людмила Григорьевалан Российысе калык-влак келшымаш университетыште эртыше «Российын тӱвыра-йылме кумдыкшо: йӱлалан шотлалтше шинчаончалтыш да кызытсе вияҥме ойыртем» тӱнямбал научный форумышто пайремле заседанийыштыже кучыктеныт. Российысе калык-влакын икоян улмо идалыкыштлан пӧлеклалтше мероприятий 150 утла ончыл учёныйым иквереш чумырен. Кок кече жапыште участник-влак ныл секцийыште пашам ыштеныт. МарНИИЯЛИ-м вуйлатыше Людмила Яковлева иктыштыже «Марий лексикографий: вияҥме корно, ончыкылык» докладым ыштен.
Г.Кожевникова
Фотом МарНИИЯЛИ-н соцкылысе лаштыкше гыч налме.
