Ий еда эртаралтше «Кугу Сеҥымашын Геройжо-влак» черетан луымшо сылнымут конкурсым увертарыме.
Конкурсыш 1941-1945 ийласе Кугу Отечественный сар дене кылдалтше литератур произведений, сӱрет, муро але фотографий-влакым колтыман. Кеч-могай ийготан-влак ушнен кертыт. Йодмашым 2024 ий 1 май марте налыт.
Конкурс Россий писатель ушемын, Россий Обороно министерствын, Россий Культур министерствын, Россий Минпросвещенийын, Россий кугыжаныш библиотекын да «Не секретно» изадательстве пӧртын полшымышт дене эртаралтеш. Тудын шонымашыже – Родиным аралымаште совет салтак-влакын героизмышт да россий воин-влакын мужествышт нерген шарнымашым курымешлан арален кодаш.
Тыгай номинаций-влак: «Прозо. Поэзий. Публицистике» (кугыеҥ-влаклан), «Проба пера» (18 ияш марте), «Сӱрет», «Муро» (авторын ойыртемалтше текстше), «Фотографий».
Участник-влакым сертификат, а сеҥыше да лауреат-шамычым диплом дене палемдат. Номинацийла почеш посна книгам савыкташ ямдылат.
Лекше йодышым https:\\героивеликойпобеды.рф/polozhenie_o_konkurse_-2018/ ссылке дене рашемдыза.
Л.СЕМЕНОВА
