ОБРАЗОВАНИЙ УВЕР ЙОГЫН

«Старт-2025»

Звенигово лицейыште пилотдымо чоҥештылше аппаратым виктарыме дене «Старт-2025» таҥасымаш лийын.  

Икмыше гана республик кӱкшытыштӧ эртаралтше да Отечествым аралыше-влакын идалыкыштлан пӧлеклалтше мероприятийыш Йошкар-Ола, Волжск, Козьмодемьянск олалаште, тыгак Морко, У Торъял да Звенигово районлаште верланыше школла гыч 11 команде моштымашым ончыктен. Нине командылаш чумыргышо тунемше-влак «Пилотдымо авиаций системе» национальный проект почеш почылтшо специализированный класслаште шинчымашым погат.

Таҥасымаште участник-влакын моштымашыштым эксперт-шамыч ийготым шотыш налын акленыт. Йоча-шамыч «Пионер-мини» дроным трассе мучко виктарыме, командный зачётышто технический симуляторым кучылтмо мастарлыкым ончыктеныт, эстафетыште вийым тергеныт. Тидын деч посна нуно усталык да уш-акылым тергыме площадкылаште юж суднолан модельым ыштеныт, шашке але шахмат дене можыныт, шке кид дене аралтышым ямдыленыт, пазлым погеныт, Отечествын историйже дене кылдалтше кроссвордым решатленыт.

Фотом Марий Эл Образований да науко министерствын сайтше гыч налме

Опубликовать в Одноклассники

Добавить комментарий