УВЕР ЙОГЫН

Лӱдыкшыдымӧ лийшаш

Школ-влакын антитеррористический лӱдыкшыдымылыкышт дене кылдалтше йодышым республикын правительствыжын заседанийыштыже каҥашеныт.

Марий Эл вуйлатыше Юрий Зайцев школ-влакым террор лийме ваштареш кузе аралымым тергаш да республикысе тунемме учрежденийлашке еҥ-влакым пуртымо режимым пеҥгыдемдаш кӱштен.

Тыгак регион вуйлатыше Марий Элын образований да науко министржын пашажым жаплан шуктышо Лариса Ревуцкаялан тунемме верлашке пурымашке ешартыш лӱдыкшыдымылык средствылам вераҥдыме мыняр теҥгешке шумым шотлаш, школлаште тунемше ден туныктышо-влаклан инструктажым да ученийым эртараш кӱштен.

– Тыгай учений мемнан дене лийын огыл, шонем. Воктеныже туныктышо уке годым мом ышташ кӱлмым йоча палышаш, – ойлен Юрий Зайцев.

Тыгак каласен: внеплановый антитеррористический комиссий чумыралтеш, да тушто ыштышаш паша планым ямдылат.

Лариса Ревуцкая палдарен: тунемме объект-влакым террор лийме деч аралаш манын, республикын бюджетше гыч 143 млн. теҥге ойыралтын. Тышеч 78 % вневедомственный охранылан каен, кодшыжо объектлашке тревожный сообщенийым колтымо системым налын вераҥдаш кучылталтын.

Заседанийыште тудо тыгак эртыше кеҥеж жапыште йоча-влакын мынярын да кушто канымышт нерген ойлен.

  Марий Эл Республикым вуйлатышын организаций да аналитике виктемжын уверже негызеш Л.Камалетдинова ямдылен.

Опубликовать в Одноклассники

Добавить комментарий