КУЧЕМЫШТЕ

Шушаш сайлымаш нергенат мутланеныт

Юрий Зайцев Марий Элыште Айдемын праваже шотышто уполномоченный Фанис Мухаметгалиев дене паша вашлиймашым эртарен.

Тушто омбудсмен республик вуйлатышым 2023 ийыште правам аралыме шотышто мо ышталтме дене палдарен. Ойлымыж почеш, ӱмаште тудын лӱмеш 650 утла йодмаш пурен. Нуно илышын тӱрлӧ шӧрынжӧ дене кылдалтше лийыныт. Мутлан, еҥ-влакым СВО, социальный да илыме вер ден коммунал сферылаште, эрык деч посна кодымо верлаште улшо сӱрет тургыжландареныт.

Юрий Зайцев палемден: СВО-што улшо-влакын ешыштлан полышым пуымо шотышто Россий президентын кӱштымашыжым шуктымо шотышто республикыште кугу паша ышталтеш.

Тиде вашлиймаштак нуно тений мартыште Россий президентым сайлымаш лийшаш нергенат мутланеныт.

Марий Эл Вуйлатышын администрацийжын информаций паша пӧлкажын уверже негызеш Л.Камалетдинова ямдылен

Опубликовать в Одноклассники

Добавить комментарий