7 январьыште Йошкар-Оласе Марий паркыште «Шорыкйол» калык йӱла пайрем эрташ тӱҥалеш.
Тудым республикысе Марий тӱвыра рӱдер Марий Элын Тӱвыра, савыктыш да калык-влакын пашашт шотышто министерствыжын полшымыж дене эртара. Мероприятий 11 шагатлан тӱҥалеш. Ончыч костюмым чиен толшо тӱшка-влакын парадышт лиеш. Фольклор коллектив-влак шке устаалыкыштым ончыктат. «Модыш алан» пашам ышташ тӱҥалеш. Лум каваным чумырымо акрет марий йӱлаш ушнаш лиеш. Кугезына-влакын мужедме йӧнышт денат палдараш тӱҥалыт. Кумылан-влак «Маскайол», «Шӱшканъече» денат коштын ончен кертыт.
Марий тӱвыра рӱдер пайремыш ушнаш кумылан-влакым вуча. Йодмашым mari-centr_konkurs@mail.ru электрон почтыш колтыман але лекше йодышым 8(8362) 45-88-51, сот. 8-961-334-01-54 телефон дене рашемдыман.
Светлана Носова
Фотом рӱдерын воткыл лаштыкше гыч налме
