Йошкар-Оласе технологий колледжыште да тыгак республикысе 17 школышто пилотдымо авиаций системым ямдылыме да тудын дене пайдаланыме практике рӱдер-влакым почыт.
Ты шотышто Россий Федераций Просвещений министерствын эртарыме конкурс отборыштыжо 30 регион пурталтын, нунын коклаште – Марий Эл.
«Пилотдымо авиаций системе-влак» национальный проект кышкарыште тений федеральный да регионысо бюджетла гыч тунемме верлашке кӱлеш оборудованийым налаш, кабинет-шамычым келыштараш тӱҥалыт.
2024 ийыште республикысе тыгай рӱдерлаште чумыр налмаште 500 еҥым туныкташ палемдыме.
Г.Кожевникова
Фотом Марий Эл Образований да науко министерствын сайтше гыч налме
