Шукерте огыл турист йолгорно национальный системым ыштыме да вияҥдыме «ТропаМИРоссии» всеророссийский проектын онлайн-курсшылан старт пуалтын.
Турист йолгорно системым вияҥдыме паша регионлаште бизнесым вияҥдаш негызыш да инвестицийым налаш инструментыш савырнен толеш. Тидыже ешартыш парышым налаш да ты але вес кумдыкым тӱшка калыклан палымым ышташ полша», – палемда АСИ «Городская экономика» дивизионын директоржо Ольга Захарова.
«Тропы России: потенциал развития и пешеходных путешествий» шымлымаш почеш, йолын кошташ йӧратыше путешественник-влакын радамышт койын кушкеш. Но нуно сай условиян, лӱдыкшыдымӧ маршрутым ойырен налаш тыршат. Санденак проект кышкарыште кумда аудиторийлан турист йолгорно национальный системым ыштыме механизм да инструмент нерген, кызытсе жапым шотыш налын палдараш тӱҥалыт. Эксперт-практик-влак финанс да пашам виктарыме модель-влакым лончылат, верласе сообществе, партнёр, кучем-влак дене вашкыл, сайын вияҥше архитектур да дизайн проект-влак нерген каласкалаш тӱҥалыт.
Видеоурок-влак кажне арнян кушкыжмо да изарня еда 14 шагатыште лекташ тӱҥалыт. Кажне урок деч вара участник-влак налме шинчымаш почеш тестым эртышаш улыт.
Ты курс туризм шотышто регионысо вуйлатыше команде, тематический сообществе, туропертор, предприниматель, самырык-влакым ушышо организаций-шамычлан лиеш. Лекций-влакым asi.ru/leaders/initiatives/tourism/trails/ лаштыкыште колыштман.
С.Носова
Снимкыште: Марий Элыш толшо турист-влак кинде-шинчалым пурлде огыт кай.
Фотом «Туризм в Марий Эл» лаштык гыч налме.
