27 январьыште Ленинград областьысе Келшымаш пӧртыштӧ Ленинградым фашист блокаде гыч тӱрыснек утарыме кечылан пӧлеклалтше мероприятий эртен.
Ты кечынак Кугу Отечественный сар жапыште Холокостышто орланыше да геноцид годым колышо-влакым шарныме тӱнямбал кече лӱмеш мероприятий лийын. Марий-влакын «Ший корно» калыкле-тӱвыра автономийышт гыч тушто эксперт, историк Галина Белашова лийын.
«Йыргешке ӱстел» деч вара «Группа крови» фильмын трейлержым очыктеныт, тудым кузе войзымо нерген каласкаленыт. Кинофильм йоча-шамыч ваштареш фашист-шамычын шучко пашаштым почын ончыкта.
