Йошкар-Олаште лишыл жапыште оласе монча-влакым олмыктат.
Тачысе кечылан рӱдолаште 2-шо да 4-ше №-ан монча-влак веле пашам ыштат. Тиде амал дене коктышкыжат калык шуко коштеш. А «пик шагат» манме жапыште ты чот 70 % мартеат шуэш.
3-шо №-ан да 5-ше №-ан монча-влак аварийный состоянийыште улыт. Санденак нуным жаплан петырыме.
Зарубин уремыште верланыше 3-шо №-ан мончам ончыкыжым капитально олмыкташ палемдалтеш. Тидлан икмыняр миллион теҥге кӱлеш.
5-ше №-ан мончам 1965 ийыште чоҥымо да тудат чот тоштемын. Кызыт «Трест «БПРХ» оралтыжым да тиде кумдыкыштак улшо прачечныйым ужалымашке луктын. Тӱҥалтыш акше – 3,9 миллион теҥге. Ужалымеке, оксам 3-шо №-ан, тыгак пашам ыштыше муниципал моло мончам олмыкташ кучылташ палемдалтеш.