Йошкар-Олаште шочын-кушшо Диана Хромова Москосо кугыжаныш университетын филологий факультетыштыже кандидатлык диссертацийым арален.
Тудын темыже – «Формы отражения марийской культуры в соременной российской прозе» лийын. Шымлымаштыже шанчыеҥ кызытсе автор-влак Денис Осокинын, Маргарита Ушакован, Мария Илибаеван (1950-2020), Илья Мамаев-Найлзын творчествыштышт марий калыкын тӱвыраштым кузе умылымыштым ончыктен.
Диана Хромова — университетын словесный сымыктыш кафедржын кугурак преподавательжылан ышта.
Фотом Диана Хромован воткыл лаштыкше гыч налме.
